Kasundaluan, gisiguro ang padayon nga paglakag sa komunistang grupo sa NPA ilabi na sa Bukidnon

Gipaniguro karon sa mga kasundaluan ilabi na diri sa probinsya sa Bukidnon nga nagpadayon ang ilang mga operasyon pagsumpo sa nahibiling miyembro sa teroristang grupo sa New People’s Army (NPA).

Sa interview sa RMN Malaybalay ngadto kang Brigadier General Ferdinand Barandon, ang Commander sa 403rd Infantry Brigade (IB), Philippine Army, gibutyag niya nga nagapadayon ang ilang mga operasyon sa mga kabukirang bahin sa probinsya aron nga ma-neutralize ang mga nahibiling miyembro sa NPA.

Gipanawagan usab niya ang mga nahibiling miyembro sa maong walhong grupo nga mutahan na balik sa malinawong pamuyo aron makapahimulos sa programa sa gobyerno nga gitanyag ngadto kanila.

Ila sumala pang tinguha nga mapabilin ang kalinaw sa probinsya sa Bukidnon.

Adtong Sabado lang, na-neutralize sa kasundaluan ang duha sa mga iladong lider sa NPA nga silang Vincent Isagani Madlos ug asawa niini nga si Angie Polandres Salinas atol sa engkwentro didto sa Kapitan Bayong, Impasug-ong, Bukidnon.