Mga angay bantayan sa mga investment. Ang AMAN Scam adunay dakong kadaut nga gidulot sa mga katawhan sa Pagadian, Zamboanga area ug Lanao.
Usa kadto ka multi million investment Scam diin nahanaw ang tanang investment nga gibutang sa mga katawhan human kini mi collapsed ug milayas ang nagdumala sa maong investment dala ang giingong sinakong kwarta.
Daghan ang naghikog, nagkasakit, nakonsimisyon tungod sa pagkahanaw sa ilang investment.
Ang kasagarang salapi nga gibobo inutang, tiniguman ug ang uban abot sa gipangbaligya nga mga kabtangan.
Arun dili masinati ang kadaot sa sayop nga investment Mao ni angay bantayan.
Ang mga “Too Good To Be True Promises or kanang gitawag nga mga double your money nga mga investments, nga walay baligya nga produkto, adunay dakong posibilidad nga mapordoy kini o mo collapsed ang matang sa investment sa daling panahon.
Apan, unsaon nato pagkasayud kanus-a kini mahitabo? Aduna bay mga sinyales nga kini mabangkarote na?
Ang tubag, Oo, adunay mamatikdan nga mga sinyales kung ugaling nga hapit na mahunlak ang investment.
Sama na lamang ba sa usa ka makusog nga pagbundak sa ulan, imo kini makita pinaagi sa mga baga ug itom nga mga panganod.
Busa ania kining 3 ka mga timailhan o clue nga angay tamdan sa matag usa.
1. Anaa na ba ang grabe ngabkasaba ug kasikas.
Kung ang matag usa nakahatag na sa iyang salapi, daghan naman dayun ang mangapil o mo-invest . Buot pasabot niini daghan na naengganyo sa pag butang sa iyang salapi.
Unsa may Logic niini? Simple lang kaayo, ang duha ka tawo dili niya kaya birahon o bitaron ang usa ka balsahan nga kargado o puno sa 350 ka mga tawo.
Kung imo gani kana makita, nan undang na sa pagsige nimo ug butang sa imong kwarta.
2. Compounding
Gina-encouraged na sa nagpadagan sa maong investment firm nga sugdan na ang compounding sa imong capital ug interest sulod sa mga taas taas nga termino. O dili ba kaha ang mas labaw pa, ginadasig ka na nga dugangan ang imong mga investment imbis nga ihatag ang imong interest.
Nganong sinyales man kini nga hapit na kini mulukapa?
Huna hunaa daw ang imong kaugalingon nga maglakaw sa usa ka park unya makita nimo ang mga papel de banko nga manag lahi P 20, P 500, P 1000. Unya kining mao nga mga salapi mapalid sa hangin, asa man sa tulo imong pagagukdon?
Kung daghang mga tawo nga nag compounding, gamay lamang ang mga cash nga mugawas, apan daghang cash ang musulod.
3. Daghan nga mga storya ang mugawas o mapagya bisan asa na lang. Sama sa nakapatukod ug bag ong building, gabukas sila sa China si Mr. Sy nag invest ug bilyunes.
Kung imo kini madunggan nga mga sulti sulti ug mga balita, angay kana mabalaka. Kining maong mga mikaylap nga mga impormasyun, mao kini maka pa hakog ug samot sa tawo ug excited sila mo invest. Busa, angay ka mahadlok ug mabalaka.
Ayaw kalimti nga kining nagpasiugda sa samang mga investment wala nagabaligya ug produckto, buot ipasabot wala silay gipundar nga balor o value dili sama sa mga legitimate nga mga dagkong tindahan nga naga baligya sila ug mga product.
Ctto
Sent from my Samsung Galaxy smartphone.
