Katawhan dapat magpabilin nga “vigilant” batok COVID-19, suno sa pamunuan sang Provincial Health Office South Cotabato.

Magapabilin nga alerto batok balatian nga coronavirus disease 2019 (COVID -19) nga kon sin-o man ang kakilala nga bag-o abot nga may history of travel halin sa iban nga pungsod ang advisan nga mgreport sa barangay health emergency team ukon health facility sa lugar.
Samtang agud malikawan ang nasambit nga makakalaton nga balatian ang magdistansya gid sa kaistorya ilabi na kon indi kilala, ipractice ang respiratory hygiene, indi maggamit sang mask kon indi gid kinahanglan kag iban pa.
Ini ang nangin pamahayag ni Dr. Rogelio Aturdido Jr. Provincial Health Officer sang South Cotabato kadungan sa pagdeklarar sang Department of Health sang code red kag public health emergency tungod may-yara na sang local transmission sang COVID-19 sa pungsod partikular na sa National Capital Region (NCR)
Apang iya ginapaklaro nga ang deklarasyon sang code red ang buot silingon nga tanan nga hospital kag health center personnel ang available agud sa pag-address sang problema sa ikaayong lawas.
Ginkumpirmar man ni Dr. Aturdido nga sa 26 ka persons under monitoring sa probinsya dise otso na ang nakagraduate sa 14 days self-quarantine kag walo na lamang ang padayon nga nagapaidalom sa quarantine.
Sa subong ila ginasiguro suno pa mangin preparado ang mga health facilities bisan wala pa sang kaso sang COVID-19.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>