Davao City – Nagpabiling luwas ang dakbayan sa Davao ug wala gayod gikanaog sa awtoridad ang ilang taas nga alerto.
Gibutyag ni Task Force Davao (TFD) Commander Col. Nolasco Mempin nga hugot ang koordinasyon sa kapulisan ug sa mga uban pang security forces aron lamang masigurado nga luwas ang Davao City ug walay mahitabong mga kakulian.
Gitin-aw usab ni Mempin nga walay Maute Terrorist dinhi sa lungsod ug fake news ang mga gakalat nga mga impormasyon diha sa social media subay sa nahitabong insidente sa Victorio Beach Resort sa Brgy. Talomo ning syudad.
“It is fake news. Intel units won’t do that kind of unprofessional social media scare. There is no Maute terrorist in Davao City. What happened in Talomo is police operations to serve warrant of arrest for an NPA commander,” segun ni Mempin.
Samtang, gipangayo ni Davao City Police Office (DCPO) head P/Sr. Supt. Alexander Tagum ang pagsalig sa publiko sa mga awtoridad.
Gitataw ni Tagum nga dili sila maglangan nga iberipika ang tanang mga impormasyon nga madawat gikan sa publiko nga mao gayuy dako og tabang aron mapugngan ang mga dautang elemento sa pagsabwag og kasamok.
“Hinaot unta nga magpadayon ta’g suporta sa atoang gobyerno kay ang inyong mga reports ug ang inyong mga tabang sa amoa. Mapadayon natong peaceful and orderly ang atong syudad.” matud ni Tagum.
Gi-awhag ang publiko mutabang sa pagtunol og impormasyon kung adunay mamatikdang mga kadudahang tao o butang sa ilang mga lugar ug i-report kini dinhi nga mga hotlines:
*Task Force Davao:*
Globe: 09175180848
Smart: 09199983386
*Isumbong kay CD:** ( Davao City Police Office) *
Smart: 09258233276
RadyoMaN Aimee Guinita
