Davao City – Nabalaka na karon ang Talikala Inc., sa padayong pagsaka sa ihap sa mga nataptan sa tipdas karong panahona.
Sumala ni Jeaneth Ampog, Executive Director sa Talikala Inc., usa ka non-government organization (NGO) nga nagpakabana sa kahimtang ug katungod sa mga kabataan ug kababainhan, dili himoong rason ang isyu sa Dengvaxia aron dili pabakunahan ang ilang mga anak.
Matud ni Ampog, ang kaso sa Dengvaxia usa lamang ka isolated case ug dili kahadlokan.
Gipasabot ni Ampog nga mas mosamot pagtaas ang kaso sa tipdas kung dili magpabakuna tungod lang sa isyu sa Dengvaxia.
Nanawagan ang Talikala nagdto sa mga ginikanan nga dunay anak nga wala pa mabakunahi nga dal-on sa ilang health centers aron malikay sa makamatay nga sakit nga mao ang tipdas.
RadyoMaN Bernard Pantallon
