Davao City – Mamahimong makaapekto kun makahatag og peligro sa publiko kung sunod-sunod na nga makabuhi ang binuhing kahayupan ug maglatagaw kini sa syudad sa Davao.
Kini ang giingon ni Liona Delos Santos, usa ka estudyante sa University of Mindanao sa dihang nahinabi siya sa DXDC RMN Davao.
Matud niya nga nalingaw siya nga nagtan-aw sa mga hulagway ug videos nga nag-viral sa facebook sa baka ug tupa nga naglakaw-lakaw sa may dalang Bajada apan dili usab kini makaayo sa dagan sa trapiko sa dakbayan.
Nasayran nga gihiktan matud pa ang maong baka ug tupa sa Garden village sa Bacaca, ning syudad apan nakabuhi kini human wala makabantay ang caretaker nga si Roberto Galibay nga nigawas na diay sa koral.
Samtang nagpahimangno ang City Veterenarian Office ngadto sa mga dunay binuhing kahayupan nga segurohong dili kini makabuhi tungod og makagawas kini, ila kining ipakuha sa otoridad ug ma-impound ang mga makuhang hayop subay sa City Ordinance No. 1457.
RadyoMaN Renz Barbarona
