Davao City – Dili matugkad ang kalipay sa usa ka triple gold medalist sa Davao Region Athletic Association (DAVRAA) Meet 2018 human nga muarangkada na siya sa Palarong Pambansa 2018.
Kini ang gibati ni Jumell Gonzales, 17 anyos, gikan sa Sto. Tomas National Highschool sa Davao del norte ug nakakuha og tulo ka gold medals sa 3000 meters steeplechase, 1500m ug 5000m sulod sa duha ka adlaw lang sa DAVRAA.
Sa dihang nahinabi siya sa DXDC RMN Davao, gibutyag niini nga sulod sa duha ka tuig lang nga pagsulod sa maong sports, wala siya magdahum nga makadaog apan gibuhat lang niya ang kinahanglan buhaton.
Tambag usab ni Gonzales sa ubang mga atleta nga dili magpanuko sa pagpaningkamot aron makab-ot ang mga pangandoy sa kinabuhi.
“Continue sa training ug dili mu-surrender sa pag abot sa mga pangarap,” segun ni Gonzales.
RadyoMaN Renz Barbarona
