Katawhan, Pol analysts way supak sa Mindanao Martial Law

87

Davao City – Mayoriya sa katawhan sa Dakbayan sa Davao walay nakitang negatibo diha sa implementasyon sa Martial Law sa isla sa Mindanao bisan pa man kun gibatikos kini’g maayo sa mga kritiko sa administrasyon.

Sa on-air survey nga gipahigayun sa morning primetime radio social commentary program ‘RMN Straight to the Point’ kuyog ni Kasamang June Duterte, ninggula nga ‘overwhelming’ ang pagdason sa mga listeners sa balaud-militar ilabi na isip tubag sa suliran sa seguridad sa habagatan sama sa hulga mugna sa teroristang grupong Maute-ISIS nga nihasi sa Marawi sa dul-an usa ka bulan na.


Gihulagway sa mga Dabawenyong respondents nga ang balaud-militar hustong aksyon sa malisud nga hadla dala sa global threat sa kasamok nga nikalas na’g ubay-ubay’ng kinabuhi wa pay labot ang dakung damyos sa propyedad ug dislokasyon sa libo ka libong mga residenteng natanggong taliwala sa gubat.

Gisugilon usab ni Presidential Communications Office Sec. Martin Andanar nga walay kamatuoran ang alegasyon sa mga taga-oposisyon nga haguka sa ‘factual basis’ ang naasoyng deklarasyon ug nga dili makatarunganon nga taga-Manila lamang ang nahadlok niini apan lahi ra ang reaksyon sa mga taga-Mindanao.

Sa susamang programa, gibatbat ni Prof. Ramon Beleno III sa Ateneo de Davao University (ADDU) Department of Political Science and History nga adunay pupaigong basihan ang balaud-militar apan cuidaw kita sa posibilidad nga kini ma-overextend ug mamahimo na unya nga template kun norm nga matag higayon nga adunay kaguliyang, dayon kita’g dangop sa pagpatuman sa extra powers sa Presidente ubos sa 1987 Philippine Constitution.

Facebook Comments