General Santos City–Gihagit karon ni Gensan City Councilor Edmar Yumang, Chiarman sa Public Safety sa konseho sa Gensan ang katawhan sa syudad nga mutabang sa kapulisan sa pagsulbad sa kriminalidad.
Matud ni Yumang nga sa simpleng paghatag ug impormasyon kalabutan sa mga nagakahitabong kriminalidad sa ilang lugar dako nang tabang alang sa kapulisan.
Matud pa sa konsehal nga dili kayang soluhon sa kapulisan sa pagsulbad sa krimen kung walay tabang sa katawhan.
Dungan niini giawhag niya ang katawhan nga mag parehistro sa Big-eye sa PNP hain moagi sa social media diin makahatag ug impormasyon ang katawhan ngadto na sa otoridad.
Gipasabot usab sa konsehal nga ang kremin dili lang nahitabo sa Gensan sanglit nahitabo usab kini sa ubang mga dagkong syudad sama nalang sa Davao hain nagpuyo ang Presidente sa nasud nga si Pangulomng Rodrigo Duterte.
Hinungdan nga dili lahi ang sitwasyon sa Gensan kung itandi sa ubang lugar.
