Gidagsa sa bagang doot sa katawhan ang nagkadaiyang menteryo dinhi sa dakbayan sa Iligan sa ikaduhang adlaw sa paghandum sa mga santos ug kalag.
Kumpara kagahapon, mas daghan karon ang mibisita sa ilang mga mahal sa kinabuhi nga mitaliwan na sa laing kalibutan nga anaa sa lima ka mga menteryo sa dakbayan.
Padayon usab ang kapulisan sa pagbantay sa seguridad sa mga menteryo, diin miagi sa inspeksyon ang mga mosulod sa mga sam-ang dinhi sa syudad.
Hangyo usab sa kapulisan ang kooperasyon sa katawhan sa ilang gipatuman nga seguridad diin alang lamang kini sa kaluwasan sa kadaghanan.
Hugot nga gidili sa mga menteryo ang pagdala ug mga malantip nga mga hinagiban, mga ilimnong makahubog, ug ang mga speakers nga giinspeksyon gayud sa entrance nga bahin sa mga menteryo.
| | Virus-free. www.avast.com |
