Katawhan sa Probinsya sa Zamboanga del norte naglaum nga hapsay ang piniliay.

31

Bisan paman layo pa kaayo ang piniliay ug wala pa pud nahuman ang pag file sa COC sa mga kandidato apan wala’g tuo karon ang dinautay sa matag pikas kampo para lang mahibaw-an ang ilang mga dili maayong nabuhat.

Ang uban nag punay ug panaway pinaagi sa mga mantalaan, sa Radyo, ug ilabi na sa mga social media nga mao na ang gigamit karon sa mga dumadapig sa pulitiko aron pagsabwag sa mga maayo ug mga hiwi nga binuhatan sa usa ka pulitiko.

Kun nagka init na karon ang matag pikas kampo lauman pa unya inig kampanya nga mas mo bukal pa pag ayo ang kawa sa pulitika dinhi sa Zamboanga del norte ug manggawas na unya ang mga baho sa matag pulitiko.

Kahibaloan ang pamilyang Jalosjos ug pamilyang Uy sila man gayud ang mag atbang karon 2019 midterm election tungod kay ang balwarte sa mga Jalosjos ang dakbayan sa Dapitan sudlon man, gani magpapili pagka mayor si Evelyn Uy batok kang Rosalina Jalosjos ug si Gob. Berto Uy parangan ni Ist Cong Bullet Jalosjos.

Nanghinaot ang katawhan karon sa Zamboanga del norte nga hapsay dili na nila matagamtaman pagbalik ang ka bangis tungod sa grabeng pagpanglutos sa mga kaatbang sa pulitika miaging eleksyon.

Facebook Comments