Katawhang Iliganon midesisyon na sa ilang boot mamahimong lideres sa syudad hinungdan nga angay dawaton ang kapildihan sumala ni Congressman Siao

Midesisyon na ang katawhan sa Iligan sa ilang mamahimong mga lideres sa bag-ohay lang natapos nga Local ug National Election dos mil dise nwebe.

Hinungdan nga kinahanglan dawaton ug respitohon ang nahimong desisyon sa katawhan sa maong pinili-ay.

Kini mao’y gibutyag ni Congressman Frederick Siao human aduna pay pipila ka mga napilding kandidato sa nakalabay’ng pinili-ay nga hangtud karon dili pa kadawat sa ilang kapildihan.

Apan sumala ni Siao, ilaha usab ang maong desisyon tungod alang kaniya naproklamar na siya sa comelec ug anaa na kaniya ang certificate og proclamation sa pagpamatuod nga siya ng subling gipili sa katawhang iliganon nga congressman sa dakbayan sa iligan.