Temporary closure sa CEDAR, suportado sa DOH 10

56

Gi-uyunan sa Department of Health Region 10 ang nahimong inisyatibo sa local government unit sa lungsod sa Impasug-ong, Bukidnon nga temporary unang isirado sa publiko ang CEDAR hangtod dili pa masuta sa DOH ang hinungdan sa diarrhea outbreak dili pa lamang dugay.

Sa interview sa RMN Malaybalay ngadto kang Dr. David Mendoza, ang assistant regional director ug spokesperson sa DOH 10 gibutyag niini nga mas maayo ang mao nga lakang tungod kay sa inisyal nilang pag-imbestiga adunay kakulangon sa sanitation.


Kinahanglan matud pa nga mapahigayon ang general cleaning aron mahimong luwas sa publiko nga mulaag sa mao nga dapit.

Nasayran nga ang CEDAR usa sa iladong tourist destination sa Impasug-ong.

Sa interview sa RMN Malaybalay ngadto kang Emmanual Lumuyod, ang MENRO Officer sa Impasug-ong gibutyag niini nga kamulo na sila ug limpiyo sa CEDAR.

Sigun ni Lumuyod nga nagbutang gayod sila ug tarpaulian sa entrance ug gipabantayan aron walay makapahigayon ug pagkuha ug tubig ug magcamping sa mao nga lugar.

Gani daw adunay taga-Manila ug Davao City kagahapon ang gustong musulod sa CEDAR apan ilang gibalibaran.

Facebook Comments

From Advertisers