Katilaw Naka’g KARA’S FRIED CHICKEN?

87

KARAAN NA ANG KARA’S

Perhaps, first time ko nakatilaw og Kara’s Fried Chicken pag-college nako. Di nalang nato hisgotan ang year kay sakit sa dughan. Char! Bitaw, on a serious note, kung imong e-search sa google engine ang “Kara’s Fried Chicken Cebu” daghan kaayo ang mga blogs manggawas kabahin niini. Sama sa mga blogs sa istorya.net o sa foursquare.com. Mga years between 2007 hangtud 2009 nakita nako nga daghan na kaayo og blogs kabahin niini since di pa man kaago uso pud ang fb ani nga time to sell products. Blogs pa ang atoang source sa mga food discoveries.


STREET FOOD ANG KARA’S

Unlike mga fastfood nga fried chicken pud ang gi-offer, dili aircon ang pagkaonan dinhi. The smell of old Cebu ang peg sa maong food place. Ang usa sa mga dagkong branches nila (nga mao say first nako nakaonan) mao ang kining sa may Sanciangko St. sa dakbayan sa sugbo. Medyo narrow ang sa may food display ug lutoanan peru dako na padung sa sulod. Color yellow ang dominant color sa pintal sa ilang pagkaonan.
Unya, puso o hanging rice ang pares sa ilang all-time fave nako nga paa sa manok. Unya walay kutsara didto. Tanan dapat magkinamot o magsuot og cellophane isip plastic gloves for eating. Dili maguol kay naa man silay washing area.

DILI LANG FRIED CHICKEN ANG KARA’S


Lami sad kaayo ilang ngohiong (nga naay malamian nga sauce), fried siomai, crispy ginabot, dried squid, danggit, longganisa, ham, sausage, pork bbq, chorizo, ginamos ug daghan pa. Kung on a budget ka, sama rapud kalami ang ilang liog sa manok sa ilang best seller nga paa nga sa last nakong adto (murag 1st week sa August to) kay tag 60 pesos ang ilang paa.

Naa pud silay tag 10 pesos nga puso. Sulit na kaayo uy. Unya bugnaw sad ilang mga softdrinks. Naa pud gane silay mga polvoron, yema ug uban pang Pinoy favorites nga pampawala sa kabidli. (Wa ko gaingon nga bidli ang Kara’s ha peru fried baya)

SIKAT GIHAPON ANG KARA’S

Wa gyud ni naluma bisan pa naa nay katapad nga kompetensya. Ug bisan pa sa paglabay sa panahon. Katilaw man gyud ko sa ilang katapad peru objectively speaking, nothing can beat the Kara’s way so far. Char!

Sa mga wala pa nakatilaw, make sure to visit them Mondays to Saturdays, open sila 7:00 am hangtud na sa gabii. Sulit kaayo imong ibayad.

LOKASYON SA KARA’S

Naa puy Kara’s duol sa Colonnade Mall – Colon, sa may Sto. Nino Church ug sa may UV Main Campus. Apan ang akoa ika-suggest mao ang sa may Sanciangko St. duol sa UC Main ug buyon sa Sogo Hotel.

This is not a paid article mga idol. I just saw my photo sa Kara’s Fried Chicken the last time I dine there.

Suportaan nato ang local food. Ang Cebu street food industry. Peru ooops! Ayaw lang palabi may mantikaon baya. You know the risks. Okay?
Hala sige mga idol, mao kadto atoang FOOD NA PUD alang sa Agosto 20, 2018 Episode. Photos gikan sa net. (Sinulat ni Dj Boy Kirat)

Facebook Comments

From Advertisers