Moabot sa 14 kabuok an entra kuman na tuig sa Bonok-Bonok Maradjaw Karadjaw Festival. Ini amoy tagkumpirmar sa Sr. Supervising Tourism Officer sa syudad, Ms. Roselin Armida Merlin. Sumaya pa na mas arang kuman an entrante kon ikumpara sa milabay na tuig na 8 lamang kabuok. Sa 14 ka mga contingents,upat an entrante sa Free Interpretation Category sanan 10 isab an sa Bonok- Bonok Based Category. Duha isab ka mga contingents an gikan sa Surigao del Sur an entra kuman na tuig.An Bonok Bonok Festival 2017 an ipahigajon kuman Sabado, Sept.9 pahinungod sa kapistahan sa mahal na patron, Sr. San Nicolas de Tolentino. Moabot isab sa dos milyones pesos kapin an papremyo na madawat sa mga mananaug kuman na tuig. An ika-33 anyos na Bonok Bonok Festival nagdaya sa tema na, Surigao :Sadjaw para sa Kalinaw!!
