Katsa bag, magiging kabaylo it plastic bag sa Boracay

210

Ni Jay-ar M. Arante, RMN-DYKR Kalibo
Haom eon do LGU Malay sa pag-umpisada ko Municipal Ordinance 320 series of 2012 sa Hulyo 15 kung sa siin gina ban do paggamit it plastic bag sa isla.
Suno kay Malay Sangguniang Bayan member Maylynn Aguirre-Graf iga implementa eon nanda do daya nga laye sa Hulyo 15 matapos nga ging isoe raya halin ko Hunyo 15 ko dayang dag-on.
Pagklaro ni Graf nga ro mga gina bawae sa raya nga ordinansa hay ro paggamit it mga plastic bag kaibahan do mga Styrofoam o styrofor nga gina sudlan it mga pagkaon.
Do katsa bag hay may logo it LGU Malay nga libre man para sa tanan nga mga turista ag puwedi nanda raya nga mabuoe sa Caticlan Jetty Port para magamit nanda sa isla kung sanda hay magapamakae.
Daya do gina ingganyo nanda sa mga turista nga gamiton kung sanda hay naga pamakae sa Boracay agod malikawan do paggamit it mga plastic bag nga may naga kaangot nga penalidad.
Kaangot kara ro mga pumueoyo sa isla hay gina ingganyo man nga mag daea lang it mga reusable bag kung sanda hay naga panindahan para maprotektahan do pagbara sa mga drainage system sa isla nga naga tuga it pagbaha.
Samtang may una nga P1,000 nga penalidad para sa business establishment sa first offense ag P1,500 para sa second offense.

Facebook Comments