Davao City – Ipadayon sumala pa sa Federal Republic ang pag-ila, pagpromotar ug pagprotektar sa mga katungod sa mga lumad dinhi sa dakbayan sa Davao.
Kini maoy giklaro ni Department of Interior and Local Government (DILG) Asst. Sec. Jonathan Malaya aron matubag ang mulo nga wagtangon sa Federalismo ang tawhanong katungod sa mga lumad gani gihisgutan niini ang Article 2, Section 24 sa Consultative Committee (ConCom) draft kun Bayanihan Federalism Constitution.
Gitataw ni Malaya nga gawas sa mamahimong well-represented sa kongreso ang lumad, hatagan og respeto sa Federal Republic ang naandan nang balaud sa lumad kalabutan sa ancestral domain, kayutaan ug kabtangan nga anaa sa ilang teritoryo.
Nahilakip sa modelo sa ConCom ang pagtugot sa kongreso nga magmugna og consultative body kinsa muabiso sa Federal President bahin sa mga palisiya nga apektado ang lumad diin mayoriya niini gikan mismo sa maong komunidad.
Justine Togonon, UIC Intern
