General Santos City–Padayon pa ang ginahimong hot pursuit operation sa Police Station 6 sa suspetsadong si Alias Russel, nga taga barangay Labangal, GenSan kansa una nang nakasibat sa gihimon hot pursuit operation sa Police Station 6 ug Police Station 2 niadtong nakalabayng adlaw.
Si Russel ang kauban sa suspek nga si Ethan Maulana nga taga Barangay labangal, suspeks a pagpangawat kansa napatay sa operasyon sa kapulisan.
Sumala pa ni Police Lieutenant Omar Barret ang Deputy Chief Of Police sa Police Station 6 nga sa karon ilaha pang ginamonitor ang mga hospital sa syudad aron sayron kon nagpa-confine ang nahisgutan human nga nasamdan atol sa operasyon nga gipahigayon alas 6:30 ang takna sa gabie sa may Prk. Palen, Barangay Labangal.
Dudang pa ni Lt. Barret, human nila madawat ang sumbong sa biktima nga si Guillermo Enrique nga gikawat ang iyahang sling bag nga iyahang gibilin sulod sa elf truck nga ginamanihuan niini nga gi-park sa Santiago blvd. gilayon sila nga nagpahigayon ug imbestigasyon.
Basi sa kuha sa CCTV na identify ang suspetsadong responsable sa pagpangawat nga si Ethan samtang nakita usab ang presensya sa usa ka alyas Russel hinungdang nga pahigayon ug follow-up operation.
Sa dihang gi-atngan na sa mga pulis ang duha ka mga suspect sa maong lugar apan nakabantay ang mga suspect mao nga mibunlot sa iyahang cal. 38 nga armas si Maulana dayon nagpabuto ug pusil.
Gilayon man nga gibaslan sa kapulisan ang suspek nga hinungdan sa iyang kamatayon human nakaangkon ug daghang mga samad sa lawas.
Dugang pa ni Barret nga notorious nga kawatan, involve sa robbery holdap ug pag pamaligya ug iligal nga droga ang nahisgutang suspect.(Dave Silagan)
