Davao City – Gimanduan ni Police Regional Office XI Regional Director PCSupt. Marcelo Morales ang mga kapulisan sa Davao del Sur nga palig-unon pa ang ilang seguridad sa ilang areas of responsibility subay kini sa nahimong maduguong operasyon sa PNP kontra sa mag igsuong Sinapan nga mga gituohang sakop sa ISIS.
Matud ni Morales nga ilang mas gipalapdan pa ang ilang intel monitoring aron dili makaporma ang mga teroristang adunay planong musabwag og kasamok.
Gikumpirmar ni Morales nga ginagukod nila karon ang lain pang mga kaubanan sa mga suspek nga sila Norhan Delangalen Sinapan ug si Norton Delangalen Sinapan, hingkod ang edad, residente sa Purok 6 Lapulabao, Hagonoy, Davao del Sur, kinsa leader sa Dawlah Islamiya, usa ka grupo nga kaabin sa teroristang ISIS.
RadyoMaN Aimee Guinita
