Pamilyar bala kamo sa sport nga “cricket”?
Kilalahon natun ang sport nga ini paagi kay mam Josie Arimas ,49 anyos kg tumandok sang Murcia Negros Occidental. Team Captain kag founder sang “DIVAS” an all Pinay cricket team sa HK si mam Josie kon sa diin may 26 na ini ka players nga puro Pinay Domestic Helpers.
Sa dugo na ni mam Josie ang pag hampang sang baseball kg softball halin palang sa edad nga 11 anyos sa impluwensiya sang iya amay. Tungod hilig na gid niya ang sport ,nangin outstanding siya sa junior kg senior years sa highschool. Nangin softball scholar ini sa University of Negros Occidental Recoletos.
Nangin tulay kay mam Josie nga epadayun ang pag hampang sang softball diri sa HK sang naka ubra siya bilang domestic helper tuig 2005.
Gin kilala ang iya katanda sa hampang kag gin oferan ini nga mag sulod sa Hong Kong Cricket Club sang tuig 2015 kag halin sa iya pag intra sa grupo pila na sila ka beses nga nag champion.
Pahayag ni mam Josie ” Cricket is a tough game , gamit lang ang kamut sa pag salo sang bola . kabudlay sa una kay damo sang rules . Gamit bat kag bola kag 11 players ang maka hampang each team . Unique ini sya nga sports kag nd ni sya familiar gid sa pilipinas . Iya ini hampang mostly sang mag indian , pakistan , western .Kag kami nga mga Pilipina naga enjoy lang kami mag hampang sang cricket . Kinanglan lang namon training kag kinanglan gid mabal an ang tanan nga rules.”
” Ang mga players ko sa cricket nga gin pang hire ko halin ina sa sa baseball team ko man ( Philippine Sluugers Women Team) Ang iba sa Softball kg Volley diri sa HK kag naka buo sang 26 ka players (SCC DIVAS Development Team ) SCC Subcontinent Cricket Club. So kung nd bangud sa mga players wala man nabuo ang team namon.”
Nakilala ni mam Josie si sir Animesh Kulkarni nangin manager sang team , isa man sa founder sang HK Cricket National Team SCC 1998 . Tanan nga mga gears , uniforms registration kag iban pa nga mga gamit sang players si manager tanan ang nag sponsor. Nakakuha man sila sang maayo nga coach ,former coach man sang HK Cricket team (coach Najeeb Amar.)
Naka schedule ang una nga official game sang DIVAS sa January 14,2018.
RONEL L. SORBITO Station Manager RMN DYRI 774 Iloilo
