Dakpan sa implementasyon sang search warrant batok illegal drugs sang mga kapolisan sa Brgy. Centrala, Surallah, South Cotabato pasado alas 3 kagaina sang aga, Mayo 31, 2018 ang isa sa kaupod ni Tahir Alonto ang lider sang Pentagon kidnap for ransom gang sa pagpalagyo sa bilangguan sa General Santos City sang tuig 1999.
Ginkilala ni Police Chief Inspector Jardi Mont Sibal, Chief of Police sang Surallah Municipal Police Station ang suspek kay Danny Andrada, residente sang nasambit nga lugar.
Suno kay Sibal may kaso man nga pagbayolar sa RA 9165 ang suspek sang nag-upod ini sa pagpalagyo kay Tahir Alonto.
Sa nasambit nga operasyon nakuha sa puluy-an sang suspek ang 5 ka sachet sang ginaaligar shabu kag P22, 000.00.
Sa subong yara na sa kustodiya sang Surallah MPS ang suspek.
