“Oo..tungod sa kawad-on,para makatabang sa pamilya ,amu na namaligya ako!” Ini amoy tag -angkon sa RMN Surigao sa nadakpan na suspetsado sa gihimo na drug buy bust operation kagabii sa mga otoridad sa may Purok 1A,brgy. San Juan , Surigao City. An suspect nakilay-an na isa ka Gerald Lisondra Tarre, hingkod an pangidaron , taga Purok 1A, brgy San Juan inin syudad. Nakuhaan si Tarre nan 13 ka mga sachet na tagtuhoang shabu, drug paraphernalias, celphone sanan cash.Sumaya pa na bana-bana P58,000 an kantidad sa illegal na druga na nakuha sa posisyon sa suspetsado na miangkon isab na bag ohay pa lamang sija mibalik sa pagbaligya nan druga. Sa pagkakuman giandam na sa nga otoridad an pagsang-at nan kaso paglapas sa RA9165 batok na sa nadakpan na suspetsado.(RadyoMaN Jerson Fuentes)
