Pag Bakuna Kontra Covid-19 sa mga Health Workers sa City Health Office, gisugdan na
Gisugdan na kaganinang buntag ang pagpamakuna kontra sa COVID-19 gamit ang AstraZeneca vaccine sa 273 ka medical ug non-medical nga mga mga personahe sa City Health Office.
Pinaka unang nabakunahan ang midwife nga si Novelyn Toledo. Sumala pa niya nga dako ang iyang salig sa bakuna ug dugang pa niya nisugot siya nga magpabakuna tungod kay kini para sa kaayuhan nila. Dili lamang para sa ila apan para sa mga tao nga ilang makasalamuha.
Sumala sab ni Ms. Ivy Zoleta, City National Immunization Program Coordinator nga adunay total nga 43 ka personahe nga na assign sa mga quarantine facilty ug 230 ka personahe kong asa 48 gikan sa Ampayon Main Health Center; 44 sa Libertad Main Health Center; 40 gikan sa Obrero Main Health Center; 38 ka personahe sa City Health Office; ug 60 ka staff gikan sa City Disaster Risk Reduction Management Office.
Gisigurado usab nga mabakunahan ang mga Human Resource for Health sa 3 ka health districts, swabbers ug drivers.
BY: Butuan City PIO
