General Santos City—sikop sa operatiba sa Police Station 3 ang usa ka suspetsado kansa gitudlong responsabli sa pagsulod sa Mercury Drug store nga nahimutang sa Jose Catolico Sreet, Barangay Lagao Gensan ala 1:30 ang takna kaganinang kabuntagon.
Suspek giilang si Jack Tindo Galbey, 33, residenti sa Anunas Extension, Quezon City. Sa inisyal nga imbistigasyon sa Police Station 3 nasayran nga kalit lang mitingog ang alarm sa mercury drug.
Tungod niini mireport gilayon sa Police Station 3 ang gwardya aron nga masuta nganong nitingog ang alarma.
Naabtan pa sa kapulisan ang suspek nga midagan palayo sa lugar mao nga dunay nahitabong ginukdanay. Malampuson usab nga nasikop ang suspek human nga nakorner sa mga awtoridad.
Malampuson usab nga nakasibat ang kaubanan sa suspek nga si Leo Pungas. Nasayran nga gibuslutan sa mga suspek ang atop sa maong establishemento kansa nagsilbi nilang entrance.
Sa karon padayon ang gihimong imbistigasyon kalabutan sa insidenti. Samtang ginaandam na sa kapulisan ang pagpasang-at ug kaso batok sa mga suspetsado.
