General Santos City–Hugtanong gipanghimakak sa suspek nga si Alvin Barta, 22 anyos nga residente sa Prk. 21, Brgy. Fatima ning dakbayan nga siya maoy responsable sa pagsulod sa balay sa negosyanteng si Rosalie Mothces, 36 anyos nga silingan sa suspek.
Sumala niya nga igo lang siyang gipasanginlan gumikan daan na siyang may kasong pagpangawat.
Pamahayag niya nga wala siya nahidangat sa balay sa biktima niadtong higayuna gumikan padulong na siya sa iyahang gitrabahuan ug natingala nalang siya nga gidala kini sa kapulisan.
Dugang pamahayag sa suspek nga wala siya naga-gamit ug illegal nga droga ug dili iyaha ang mga sachet nga naunang narekober matud pa sa kapulisan gikan sa iyang posisyon.
Pag-angkon niya nga milabay’ng tuig lang siyang nakagawas sa Lanton Reformatory Center gumikan sa kasong robbery.
Apan gibutyag sa suspek nga dili siya maoy nisulod sa balay kundili ang iyahang amigo nga gihingnaln ug kopyo.(LVR)
