Gindakup sang pulis ang duha ka mga lalaki nga sakay sang traysikol bangud sang karga sini nga gina-allege ginawatan nga krudo sa Burgos Street, Brgy. Zone 4, banwa sang Murcia may mga las 3:30 sini gid lamang nga kaagahon.
Nakilala ang mga suspek nga amo sanday Ruel Escape, 28 anyos kag si Joemver Jocson, 22 anyos, lunsay soltero kag pumuluyo sang ciudad sang Victorias.
Suno sa Murcia Municipal Police Office narecover sa mga suspek ang kapin sa 80 ka litro sang krudo nga suno sa ila ini ang ila ginkuha sa isa ka truck nga naga-park sa higad sang dalan sa area sang Brgy. Lopez Jaena sang amo nga banwa.
Facebook Comments
