Kawatan umatake sa Mlang North Cotabato, motor at pera natangay

Niransak ng mga di nakilalang mga kawatan ang isang internet shop sa bahagi ng Rizal Street Poblacion Mlang North Cotabato pasado alas 8 linggo ng gabi.
Sa impormasyong nakalap ng RMN Cotabato , umatake ang mga kawatan habang sa kasagsagan ng malakas na buhos ng ulan.
Sinasabing tinatayang nagkakaedad lamang ng 14 anyos, 16 anyos at isang 21 anyos ang pumasok sa shop.
May dala ang mga suspek ng kalibre kurentay singko na baril ng gawin ang krimen. Tinangay ng mga ito ang naka paradang Raider 150 na may plate number MA17728 at di natukoy na halaga ng pera.
Nagpapasalamat na lamang ang di na kinilalang may ari ng shop na walang sinaktan sa kanila, napag alaman na nasa loob rin ang mga ito kasama ng kanyang mga anak ng mangyari ang tila buwis buhay na pagnanakaw ng mga kawatan.
Nagpapatuloy pa ang ginagawang imbestigasyon ng PNP Mlang.(DENNIS ARCON)