General Santos City—Nagpakitabang sa Police Station 3 ang usa ka Koreano nga seaman human nga siya gikawatan ug pitaka nga dunay unod dul-an P50,000 nga kantidad sa kwarta human nigamit og guest relation officer sulod sa gi-check in nga hotel niaging gabie.
Nasayran nga nahimong suki na ang seaman nga Korean national nga itago lang sa pangalan Kim sa hotel nga nahimutang sa National Highway sakop sa barangay Lagao, matag dunggo sa dakbayan sakay sa Korean Fishing vessel.
Niadtong tungang gabie sa nakalabay nga adlaw gibisita matod kini sa babayeng ginganlan og Rio apan paggawas sa kwarto sa hotel nakuratan ang koreano nga nahanaw na ang iyang pitaka.
Nakit-an niini ang lalaking ginganlan og James nga kaila ni Rio og didto narekober kaniya nag mukabat sa P49,000.00 nga salapi.
Gisikop ang nasangpi ug gikustudiya sa kapulisan apan wala madakpan ang babayeng maoy nikawat sa wallet sa biktima gumikan dili na makit-an ang nasangpit.
Nasayran nga wala na nagpasang-at ug kaso ang Korean sanglit iya nalang gipasaylo ang maong babaye ingon man si James human nga nauli ang kwarta sa nasangpit.
