Pontevedra, Capiz- Ginpreso sa karsel sang Pontevedra PNP ang isa ka hubog nga persona matapos ginhaboy sini sang bato ang windshield sang isa ka salakyan mga alas 10 sang gab-e sa Brgy Bailan Pontevedra, Capiz.
Suno sa biktima kag driver nga si Dave Rafael Tolentino sang Brgy Lantangan Pontevedra, ginasubay sang mga ini ang karsada apang pag-abot sa Brgy Bailan ginkakibot na lamang sang mga ini nga sila ang ginhaboy sang bato kag naigo ang windshield.
Ginabanta nga nagalab-ot sa P38, 000 pesos ang damage sang amu nga kristal sang salakyan samtang tubtob sa subong indi pa maistorya ang wala makilala nga suspek bangud sa tuman nga kahulogbon.
photo © from web
Facebook Comments
