Boracay, Island — Nakaangkon it kasakitan sa eawas ro sangka Kazakhstan national matapos nga ginhulikap ag binakoe it sangka Koreano kaina it aga-aga sa may Station 2, Boracay.
Nakilaea rong biktima kay Araylim Amnaldi, 25-anyos ag taga Kazakhstan, samtamg rong suspek nakilaea kay Houdia Oh, 32-anyos ag parehong bakasyonista sa isla.
Suno kay PO2 Bingaora it BTAC nga natabo rong insidente samtang rayang biktima hay naga kaya-kaya sa kilid it baybayon para mag relax-relax hay umagi rayang Koreano ag ana ta nga ginhulikap ro biktima sa anang kinatawo pasaka sa anang dughan.
Nakibot ag naakig ro biktima rason nga anang sinipa ag binayo ro suspek. Matapos raya hay bumaeos man ro suspek it pagbayo ag gin bakoe rong biktima nga naging dahilan ko pagka nina it anang bibig.
Nasayuran nga hilong rong Koreano tag matabo rong insidente.
Samtang magapangatubang man it kasong Physical Injuries ag Act of Lasciviousness rong suspek.
