Boracay, Island — Tatlo ka mga perona rong natigayon nga madakpan sa ginpatigayon nga buy-bust operation sa may Sitio Bantud, Manocmanoc, Boracay kaina it agahon.
Ro mga suspek nakilaea kanday Remark Pagsambugan, 24-anyos, massage therapist, native it Nueva Ecija ag presente nga naga istar sa Buruanga bangud idto imaw naka asawa; Alvin Fernandez, 55-anyos, tour guide, ag Reyan Rodriguez, 25-anyos mga native it Batangas ag temporaryo nga naga istar sa Sitio Tulubhan.
Nadakpan rong tatlo matapos nga mabak-ean ag pilang beses eon nga ginpaidaeom sa test buy si Pagsambugan ag kaina natigayon kung sa siin high pa raya.
Suno kana ro anang supply naga halin nsa syudad sa it Iloilo, boe-on na it mga 36,000 ro balor ag pag abot sa Boracay kapin sa 180,000 ro magiging kabak-eanan kara.
Dugang pa gid kara nga una man mismo nana gina agi sa Caticlan Jetty Port rong droga.
Nasayuran nga ko Pebrero 2, 2018 rong ulihi na nga pagbuoe it stock sa syudad it Iloilo.
Padayon pa makaron rong ginahimo nga inventory ko mga kapulisan sa boarding house mismo it suspek.
