KC Montero ug kapin 100 katao arestado sa usa ka Bar sa Makati

Giaresto ang kapin 100 katao apil na ang celebrity TV host nga si KC Montero o Casey Wyatt Montero Miller tungod sa pagsupak sa social distancing sa usaka bar sa Makati City.

Apil sa giaresto si Felix Maramba, isa sa nanag-iya sa gi-raid nga Skye Bar, sa 18th floor sa Ma1 Tower, no. 141 H.V. Dela Costa St., Brgy. Salcedo, Makati City.

Naaktuhan ug nakuhaan og litrato ug video sa operatiba ang mga customer nga halos tanan lamesa aduna’y alak ug nagtapad-tapad kini bisan paman nga naa sa General Community Quarantine (GCQ) ang Metro Manila ug dili pwedeng mag-operate kay tungod dili kini usa ka ‘essential establishment’.


Posibleng mag-atubang sa kasong paglapas sa Republic Act 11332 (Mandatory Reporting of Notifiable Diseases and Health Events of Public Health Concern Act) ang mga naaresto.

Facebook Comments