ILOILO City – Priso sa Molo PNP ang asawa kag duha sini ka kabataan nga lalaki kag babaye matapos ila ginsulong ang bana kag kerida sini sa balay sang ila amo kagab-i.
Suno sa kay nanay Rodelyn, las 7 pasado ka gab-i, nag kadto sya sa iya bana upod ang ila duha ka kabataan para mangayo sang sustento nga inugbakal bugas para sa panyapon sang iya kabataan apang nagpamalibad ini.
Bangud sini ginkumpronta sang kabataan ang kerida sa atubang sang ila amay apang gintampa sini bata nga babayi kag gin sumbag ang lalaki kabangdanan nga ini ang natumba.
Sa natabu, nag palanulom ang panulok sang iloy kag na buno sang tinidor ang bana kag kerida nga naigo sa likod.
Gilayun gin pan dakop ang mag-iloy kag gin dala sa police station agud kasuhan sang trespass to dwelling sang doktor nga amo sang iya bana.
Gin pahayag sang asawa nga makapila na niya nga ma dakpan ang bana kag kerida apang gina pasensya niya ini apang sang ulihi nag bulag ini sa iya.
Nahibalu-an nga si nanay Rodelyn kag bana sinibulaganay sang Hulyo matapos madakpan niya ang bana kag kerida nga nagasabakay sa Sofa sa balay sang ila amo nga wala sang idalum nga panapton.
Si nanay Rodelyn kag iya bana may pito ka bata samtang ang kerida may apat man ka mga kabataan sa iya bana.
“Teh happy ending eh, ako ang bad ending, ako pa ang asawa nga legal ako pa ang gin papriso…Gin baylo ko gani sya sa masakiton ko nga nanay apang nahimu pa niya nga mangrerida,” ang pahayag ni nanay Rodelyn.
“Siguro hidlaw siya sa bana ya nga ara sa Negros, te akon bana tilawan ya eh… Wala na siya sa diin-diin sa akon ah, bisan ubahan pa… Pareho kami kapalaran ni Jericho sa Halik.”
