Davao City – Gidasonan karon sa usaka Davao academician ang panawagan nga imbestigahon ang kontrobersyal nga kamatayon atol sa usaka police anti-drug raid sa usaka 17 anyos nga Grade 11 student sa Caloocan giila nga si Kian Loyd delos Santos.
Sa pakighinabi sa RMN News Davao, gisugilon ni Dr. Adrian Tamayo, director sa Institute of Popular Opinion (IPO) sa University of Mindanao nga may dakung panginahanglan nga ilusad ang evaluation sa kinatibuk-ang kampanya kontra iligal nga droga sa tumong ug tuyo nga reviewhon diing dapita nakasinate kini ug mga kakulangon kun ‘procedural lapses’ ug kun unsa ang angay nga aksyon haron makorehian kini.
Matud ni Tamayo, gikinahanglan ang ‘swift and impartial investigation’ haron maklaro ang legitimacy sa nagpadayong mga anti-narcotic operations.
Dugang pasidaan usab sa propesor nga mga kampanyang susama niini angayang ipailawom sa makanunayong pagsuta ug pagrebisa sanglit dili kini sila matawag nga ‘self-righteous’ kun dili makahimo sa kasaypanan.
Sa serye sa mga opinion polls sa IPO ug uban pang mga survey outfits sa nasud, nigula nga daghan ang tino nga nisuporta sa war on drugs sa gobyerno apan klaro usab ang sentimyento sa mayoriya nga mas gipili nila nga dakpon ang mga suspetsado inay nga hukman-pinal pinaagi sa buka sa armas.
Kasamang June Duterte
