KIDNAPPING | Awol nga Pulis, dakop matapos ginkidnmap ang mag-iloiy sa banwa sang Estancia.

Pagapasakaan sang kaso nga kidnapping kag paglapas sa RA 7610 ang AWOL nga pulis nga si PO3 Abmel Bangalisan, 38 anyos sang Sitio Buwa, Poblacion, Carles, Iloilo.
Ini matapos madakpan si Bangalisan sa Iloilo International Airport ala-una sang hapon (Nobyembre 13) upod ang mag-iloy nga iya ginkidnap sa banwa sang Estancia sang nakaligad nga Nobyembre 9.
Ginpahayag ni Police Sr. Inspector Ma. Liza Nofuente, head sang Women and Children Protection Desk ukon WCPD sang Iloilo Provincial Police Office nga natabu ang insidente alas 7 sang gab-i sang Nobyembre 9 sa Estancia Public Market.
Suno kay Nofuente nga ginpilit ni Bangalisan nga dal-on ang mag-iloy nga sanday alyas Cherry, 31 anyos kag ang pito ka tuig sini nga bata sakay mismo sa motorsiklo sang biktima.
Subong man, nakabunggo sa pader ang motorsiklo bangud naga-resist ang biktima.
Suno pa kay Nofuente nga plano ni Bangalisan nga dal-on sa Palawan ang mga biktima kag nagpangayo man ini sang ransom money sa pamilya sang biktima.
Nahibaluan nga assign anay sa Tubungan PNP si Bangalisan kon sa diin nag-AWOL ini.
Sa karon yara na sa custody sang IPPO si Bangalisan kag ang iya mga biktima sa paghinakop naman sang WCPD.

Facebook Comments