Davao City – Arestado sa Criminal Investigation and Detection Team sa Digos City, Davao del Sur, ang usa sa mga membro sa Cansing Kidnap for Ransom and Robbery Group nga naka base sa Kiblawan, Davao del Sur.
Ang suspek mao si Lyn Lyn Cansing, 28 anyos, nagpuyo sa Barangay Kimlawis, Kiblawan Davao del Sur, nadakpan sa gihimong operasyon sa Poblacion Kiblawan alas 10:00 sa kabuntagon.
Si Cansing adunay warrant of arrest sa kasong Kidnapping ug Serious Illegal Detention nga gipagawas ni Honorable Judge Carfelita Cadiente Flores sa Regional Trial Court, 11th Judicial Region, Branch 16 sa Digos City.
Ang suspetsado rank number 7 sa most wanted sa probinsya kansang nalambigit sa pagpanulis, kidnapping ug pagpangawat sa mga kahayupan sa Barangay Kimlawis sa nahisugtang lungsod.
Adunay girekomendar nga pyansa ang korte nga mukabat sa 300-mil ka pesos alang sa temporaryong kagawasan sa dinakpan.
RadyoMaN Erin Lumosbog
