General Santos City–Gikabutyag ni Police Col Aden Lagradante ang Police City Director sa General Santos City Police Office nga ang nahitabo kang Police Corporal Ryan Valencia kansa napusilan sa usa ka drug suspek ang nagpakita lang nga dilikado gayud ang trabaho sa pulis panahon nga aduna silay himuong anti-drug operasyon.
Basi matud pa sa salaysay sa nasampit nga pulis siya ang nahimong pusher buyer sa ilang target sa operasyon ug aron nga dili magduda ang nahisgutang suspect walay dala nga armas si Valencia.
Dugang pa ni Lagradante nga sa maong pamaagi ginabutang na sa mga otoridad ang ilahang kinabuhi sa alanganin tungod kay wala sila nasayod kung armado ba o dili ang mga suspect nga ilahang arestohon.
Maayo nalang matud pa nga anaa lang sa duol ang mga kauban sa nahisgutang pulis nga sakop usab sa Police Station 7 ug sa dihang nakita nila nga nagpabuto na ang nahisgutang suspect gilayon nilang na repondehan kini ug nasikop ang suspect.
Ang maong panghitabo ang nagpamatuod lang usab matud pa nga ginasunod sa kapulisan ang tawhanong katungod sa ilahang mga target gani bisan pag nasamdan na ang nahisgutang police gisuwayan gihapon sa tropa sa Police Station 7 nga arestohon ang suspect nga wala misangpot sa pagpusil ngadto kaniya.
Mapasalamaton man usab si Col. Lagradante kay wala na-antimano ang nahisgutang police ug igo lang sa paa ang nahiaguman niini.(Dave Silagan)
