Davao City – Daling midangop sa kuwerpo sa kapulisan sa Sasa ang usa ka buntis human matud pa gihimas ang iyang kinatawo sa nagpailang sakop sa New People’s Army (NPA).
Matud ni Alyas Ivy, 29 anyos, dunay kapuyo, ug residente sa malagamot panacan nga kalit lamang mibutho sa iyang likod ang suspek nga si Alvin Autida, nagpuyo sa Bunawan, ug samtang nagtrangka kini sa rolling door sa barbershop nga nahimutang sa maong dapit.
Segun sa biktima kinsa pila ka buwan nagmabdos, igo ra niya gilang-a ang usa niya ka tiil apan wala damha niini nga natintal na diay og tutok ang suspek sa milakra niyang kinatawo.
Nasayran nga misabay ra og inum ang suspek sa iyang mga higalang barbero pasado alas-11:00 Domingo sa gabii.
Ug tungod sa gibuhat ni Alvin, gikasuko kini ni alyas Ivy apan inay mangayo og pasaylo nagpaila naman hinoon ang suspek nga sakop sa NPA.
Apan wala nagpadala sa hulga ang biktima ug mitaho sa Sasa PNP resulta sa pagkasikop sa suspek.
Kasong Act of Lasciviousness ang isang-at nga kaso batok sa dinakpan kinsa preso na karon sa Sasa PNP.
RadyoMaN Joel Viray
