Davao City – Nagpakitabang sa Sta. Ana PNP ang usa ka studyante nga babaye nga si Santosh Rajaa Sanmugavel, 20 anyos, residente sa Brgy. 19-B sa dihang iyang nakita ang iyang laptop nga gi-auction na sa usa ka pawnshop.
Sumala pa sa complainant nga mga bandang alas 12:00 sa udto nakita niya iyang L3 Dell laptop nga ginabaligya sa usa ka pawnshop samtang nagbaktas kini sa dalang J.P. Laurel.
Gidugang sa complainant nga iya ng napatal sa milabay’ng tuig sa bulan sa Setyembre nga gikawat kini sulod sa ilang boarding house saw ala mailhing suspetsado.
Sa pagka diskubre niini, dali siyang nangayo ug assistance sa kapolisan sa Sta. Ana ug iyang gipa-blotter ang maong insidente.
Hinoon gitambagan sa kapolisan nga kinahanglan nga duna siyay mapakita nga basehan nga iya ang maong laptop sama sa resibo aron iyang ma-recover ang computer nga gi-auction na sa pawnshop ug aron usab masubay ang tawo nga nagprenda sa maong laptop.
RadyoMaN Paul Canono
