Davao City – Nagmando karon ang lokal nga panggamhanan sa syudad sa Davao nga inspeksyunon ang mga eskwelahan ingon man mga establisyemento human sa 6.3 magnitude nga linog ala-7:37 kagabii, October 16, 2019.
Sa interbyu sa DXDC RMN Davao kang Davao City Mayor Sara Duterte-Carpio, gi-anunsyo niini nga suspendido ang klase karong adlawa, Huwebes, October 17, 2019 sa tanang lebel sa pribado ug pampublikong eskwelahan sa syudad.
Posible usab nga i-extend ang suspensyon sa klase depende sa assessment sa matag tulunghaan kung dili na gayud pwedeng magamit ang mga gambalay.
“Ang extension sa suspension of classes will be on school to school, case to cases basis after sa cancellation and after sa ilang inspection kung makita nila nga wala pa sila nahuman sa ilang inspection or ‘duna silay mga buildings nga dili na magamit. So, they can continue sa suspension sa ilang classes,” saysay ni Sara.
Samtang, sa lokal nga panggamhanan, ipa-inspeksyon usab sa mayor ang mga gambalay alang sa himuong aksyon ugaling kini apektado usab sa kusog nga linog.
“Sa atoa sa local government is for everyone to inspect their building and infrastructure and then proceed their own kung unsa may makita nila sa ilang inspection,” tataw ni Sara.
RadyoMaN Kirby Manzon
