Ubay-ubay katao injured sa 6.3 magnitude nga linog

42

Davao City – Gibana-banaang anaa sa 20 ka katao ang injured partikular na sa sa syudad sa Digos human sa 6.3 magnitude nga linog kagahapong adlawa. Daling gidala ang mga biktima sa Provincial Hospital sa Davao del Sur ug aduna usay nadala sa Southern Philippines Medical Center (SPMC).

Dinhi sa Davao, aduna usay pipila ka mga empleyado sa usa ka shopping mall sa may Lanang ning syudad ang gidala sa ospital human nga na-injured usab sa insidente.


Samtang daling nag-evacuate ang mga residente sa ubang areas sa syudad human nga nag panic tungod sa sayop nga balita nga aduna sumapa pay tsunami alert nga gipagawas.

Sa interbyu sa DXDC RMN Davao kang Mayor Sara Duterte- Carpio, gibutyag niini nga walay tsunami alert rason nga dili magpanic ug maminaw lamang sa impormasyon gikan sa mga otoridad.

“Kung mawala ilang tensyon o nerbyus kung mag evacuate sila then okay lang basta di lang sila magpanic basta i-secure lang nila ilang balay,” saysay ni Sara.

Karong adlawa, sutaon ang mga naapektuhang gambalay ug ang damyos nga hatud sa maong kusog nga linog.

RadyoMaN Kirby Manzon

Facebook Comments

From Advertisers