Nagpadayon ang klase karon sa mga tunghaan sa Cagayan de Oro City bisan sa nasinateng pag-ulan tungod kay apektado ang Northern Mindanao sa extension sa Bagyong Ompong.
Matud ni Department of Education o Deped Cagayan de Oro Spokesperson Rosalio Vitorillo nga wala gikansela sa Deped ang klase sa mga eskwelahan kay walay storm signal ning syudad.
Hinoon, gipasabot ni Vitorillo nga kung kusog ang ulan pwede usab nga ang Barangay officials ang magmando nga walay klase sa ilang lugar pinaagi sa pakig-coordinate sa mga school principals.
Samtang, mga pasado alas 8 karong buntag nainterview sa dxCC-RMN si Association of Barangay Council President Allam Lim ug mibutyag nga wala pay mga kapitan ang mipahibalo kaniya nga nagkaselar og klase sa ilang barangay.
Hinoon, nagpadayon ang ilang monitoring niining nasinateng pag-ulan ning dakbayan.
