Ginmanduan karon sang Commission on Higher Education ukon CHED ang tanan nga State Universities and Colleges ukon SUC’s kag mga Local Universities and Colleges ukon LUC’s nga isaylo na sa bulan sang Agosto ang pagsugod sang Academic Year 2019-2010.
Ini base sa gin-isyu nga memorandum ni CHED Chairman Prospero De Vera Jr. nga napetsahan Abril 5, 2019 para sa mga opisyal sang CHED kag sa mga tagdumala sang SUC’s kag LUC’s.
Nasaad sa memorandum nga ang nasambit nga tikang base sa mga probisyon sang Republic Act 7722 nga kilala man bilang Higher Education Act of 1994 kag sa Commission en banc resolution number 142-2019 kon sa diin ginamanduan ang tanan nga eskuwelahan nga i-synchronize sa Fiscal year ang ila mga Academic Years umpisa sa FY 2019.
Subong man, gin-athag ni De Vera nga mahimo nga indi man gilayon magtuman sini ang mga eskuwelahan kag puwede nila ini himuon kon san-o na sila handa.
