Klase sa Talomo ug A.L. Navaro gisigurong dili mabalda

23

Davao City – Gipaniguro sa Department of Education (DepEd-XI) nga dili mabalda ang klase ilawom sa distance learning sa A.L. Navarro National High School ug Talomo National High School samtang nagpabiling sirado ang eskwelahan samtang gi-quarantine ang duha ka mga magtutudlo sa maong mga eskwelahan human nagpositibo sa COVID-19.

Sa interbyu sa DXDC RMN Davao kang DepEd XI Spokesperson Jenielito Atillo, dili maulahi ang mga estudyante sa duha ka mga eskwelahan tungod kay wala pay hard lesson o leksyon sa unang duha ka semana.

“Ang una man gud natong duha ka semana psychosocial lesson pa gyod ni dili pa gyod ni ingon nga deretso sa leksyon kay kinahanglang balansehon nato ang situation sa mga kabataan, dili pa gyod mabitin ang duha ka mga eskwelahan,” sumala ni Atillo.

Matud ni Atillo, nag-distribute og soft copies sa module sa Talomo National High School ug magpadayon ang pagtuon sa mga estudyante sa maong duha ka tulonghaan pinaagi sa radio-based instruction.

RadyoMaN Aimee Guinita

Facebook Comments