Hugot nga pamahayag karon sa Kilusang Magbubukid sa Pilipinas kon KMP nga adunay nahitabong mga human rights violation human nga gideklara ang Martial law sa Mindanao.
Base sa talaan sa Karapatan-NMR nga 18 kapin na ang nabiktima sa tawhanong katungod sa Bukidnon.
Sa usa ka press conference sa grupo gibutyag ni KMP Regional Coordinator Ereneo Udarbe, nga maong gikondena nila ang paglugway sa martial law tungod sa mga kalapasan sa tawhanong katungod samtang gipatuman kini.
Nahadlok na matud pa ang mga mag-uuma nga muadto sa ilang mga kaumahan tungod sa mao nga panghitabo.
Samtang sa interview sa RMN Malaybalay ngadto kang Capt. Norman Tagros, ang spokesperson sa 403rd Infantry Peacemaker Brigade hugot nga gikontra niini ang mao nga pasangil sa progresibong grupo diin gipamugos niya nga nagsubay sa balaud ang ilang gihimo.
Dungan ninini, gipahayag ni Capt. Tagros nga wala nila gi-tolerate ang mao nga mga pasangil sa mao nga mga grupo.
Gihagit pa ninini nga kung makasinati sa pagpanglapas sa tawhanong katungod dili magpanuko ug isumbong ngadto sa ilaha aron ma-imbestigahan.
