Ginhold-up ang isa ka kolektor sa Prk. 15 , Barangay Polonuling, Tupi, South Cotabato, alas 12:45 kahapon sang hapon, Nobyembre 19, 2021.
Ginkilala ang biktima kay Edison Topasig Calwit, 28-anyos, freedom life collector kag residete sang Prk. Makisama , Barangay Silway 8, Polomolok, South Cotabato.
Sa inisyal nga imbestigasyon sang Tupi MPS, ang biktima ang nagabyahe sa bahin sang Brgy. Polonuling, Tupi sang ginsundan sang mga suspek nga sakay sa Rusi single motorcycle, wala sang plate number.
Pag-abot sa natabuan sang insidente, ginhampak ang biktima sang matig-a nga butang sang backrider sa diin naigo siya sa likod kag leog kabangdanan nga natumba ang biktima kag gilayon nga ginkuha ang iya nga sling bag nga may unod nga yara sa P8,000.00.
Gilayon naman nga nagpalagyo ang mga suspek.
Sa subong nagapadayon ang imbestigasyon sang Tupi MPS sa insidente.
