Kompirmadong kaso sa COVID-19 dinhi sa probinsya nadugangan ug katorse

Zamboanga del Sur – Subling nadugangan ang mga nagpositibo sa COVID 19 dinhi sa probinsya sa Zamboang del Sur. Sa datos nga gipagawas sa Zamboanga del Sur Inter-Agency Task Force alas 4 kagahapon sa hapon, 14 ang nadugang sa mga aktibong kaso sa COVID 19 ug 12 niini ang mismong gi examine sa Zamboanga del Sur COVID-19 Laboratory samtang ang laing duha ang didto sa Zamboanga City Medical Center. Sa nasangpit nga ihap, usa niini mao ang ang 32 anyos nga babaye nga taga Purok Talisay B, Brgy. Kawit, Pagadian City. Nasayrang nakaduol kini sa usa ka pasyente kinsa positibo usab sa maong sakit. Ang pasyente ang kasamtangang gi isolate na sa usa ka pampublikong ospital dinhi sa probinsya.
Ikaduhang positibo mao ang 38 anyos nga lalaki nga taga Purok Golden Shower, Makugihon, Molave. Ang maong pasyente natakbuyan gumikan sa close contact niini ngadto sa laing pasyente nga positibo usab sa COVID 19. Ang pasyente ang matud pa symptomatic ug kasamtangang gi isolate na sa Molave Temporary Treatment and Monitoring Facility. Ang ikatulo mao ang 31 anyos nga babaye nga taga Purok Bulawanon, Madasigon, Molave. Adunay history of exposure sa usa ka health facility og nakasinati kini ug mga sintomas o Symptomatic ug kasamtangang gi isolate na sa usa ka pampublikong tambalan. Ang ikaupat mao ang 73 anyos nga lalaki. Ang nasangpit nga senior citizen lumulupyo sa Purok Gumamela, Makugihon, Molave. Wala kini history of travel sa mga dapit nga adunay COVID-19. Gawas sa mga nabatiang sintomas, Close contact usab sa usa ka nagpositibong pasyente ang nakitang hinungdan sa pagpositibo niini. Kasamtangan kining gi isolate sa Molave Temporary Treatment and Monitoring Facility.
Ang ikalima mao ang 31 anyos nga lalaki nga taga Purok Bakhaw, Kawit, Pagadian City. Walay history of travel sa mga dapit nga adunay COVID-19 ug wala usab nakaduol o naexpose sa tawong adunay covid 19. Hinoon, nagpabilin kining Asymptomatic o walay mga sintomas. Ang pasyente ang kasamtangang gi isolate sa Covid isolation unit dinhi sa Pagadian City. Ang ikaunom mao ang 55 anyos nga lalaki nga taga Purok Santan A, Brgy. San Jose, Pagadian City. Wala usab kini history of travel ug wala nakaduol sa adunay covid 19 apan nakasinati sa pipila ka mga sintomas sa covid 19 ug positibo sa swab test. Ang pasyente ang kasamtangang gi isolate sa Covid isolation unit of Pagadian City. Ang ikapito mao ang bag ong gipanganak nga batang babaye nga taga Purok Lupoy, White Beach, Pagadian City. Wala kini history of travel apan adunay close contact ngadto sa usa ka pasyente nga positibo sa covid 19.
Hinoon ang bata ang nagpabiling Asymptomatic ug kasamtangang gi isolate sa usa ka pampublikong ospital dinhi sa probinsya. Ang ikawalo mao ang 47 anyos nga babaye nga taga Purok Mangga, Madasigon, Molave, Zamboanga del Sur. Aduna kini close contact sa usa ka pasyente nga positibo ug karon nakasinati ug mga sintomas. Ang pasyente ang gipailalom sa estriktong home quarantine. Ang ikasiyam mao ang 41 anyos nga lalaki nga usa ka empleyado sa gobyerno. Lumulupyo ang maong pasyente sa Purok Santan, Sta. Maria, Pagadian City. Walay natalang history of travel ang pasyente apan kompirmadong adunay exposure sa nagpositibo. Ang pasyente ang kasamtangang gi- isolate sa Pagadian Temporary Treatment and Monitoring Facility.
Ang ikanapulo mao ang 29 anyos nga babaye nga taga Purok Lemonsito, Lumbia, Pagadian City. Aduna kini close contact sa usa ka pasyente nga positibo sa COVID 19 ug karon kasamtangang gi admit sa pampublikong ospital dinhi sa probinsya Ang ika onse mao ang usa ka 23 anyos nga babaye nga taga Purok Gugma, Balangasan, Pagadian City. Nakasinati siya sa mga sintomas sa COVID 19 ug kasamtangang anaa sa Pagadian Temporary Treatment and Monitoring Facility. Ang ikadose mao ang 47 anyos nga babaye nga taga Purok Paglaum, Campo IV, Ramon Magsaysay, Zamboanga del Sur. Adunay close contact ug Symptomatic. Ang pasyente ang kasamtangang gi isolate sa Ramon Magsaysay Temporary Treatment and Monitoring Facility.
Ang ikatrese mao ang 27 anyos nga lalaki nga taga Purok 4, Mati, San Miguel, Zamboanga del Sur. Adunay close contact sa pasyenteng nagpositibo ug kasamtangang nakasinati ug mga sintomas sa COVID 19. Ang pasyente ang kasamtangang gi isolate sa San Miguel Temporary Treatment and Monitoring Facility. Ang ika katorse mao ang usa ka senior citizen nga nagpangidaron ug 67 anyos gikan sa Purok 2, Pinoles, lungsod sa Lakewood. Ang pasyente adunay close contact sa usa ka nagpositibo apan asymptomatic kini. Ang senior citizen gi isolate sa Lakewood Temporary Treatment and Monitoring Facility. Sa pagkakaron, nagpahigayon na ug contract tracing ang mga tinugyanan arun masuta ang mga posibleng gikaduol sa nasangpit nga katorse ka mga kompirmado.
Padayon usab ang pahimangno sa health authority ngadto sa publiko nga kanunayong ang pagtamod sa health protocols sa sama sa pagsuot sa face mask ug face shield, kanunayng paghugas sa kamot ug imintinar ang physical distancing ilabina sa pampublikong lugar. Subli usab nga gipugngan ang unnecessary travels sa mga dapit nga adunay daghang kaso sa local transmission sulod ug gawas sa probinsya Zamboanga del Sur.

Facebook Comments