Gikataho karon sa Department of Health-Northern Mindanao nga anaa pa lang sa 72% ang kompletong nabakunahan sa Rehiyon kutob kagahapon adlawa.
Sa interview sa RMN Malaybalay ngadto kang Dr. David Mendoza, DOH-10 Local Health Support Division Chief, gibutyag niini nga anaa pa lang sa 72% ang mga nabakunahan sa rehiyon sa primary series kon nakakuha sa 1st ug 2nd dose sa bakuna.
Lakip na niini sumala pa ang mga bata nga nag-edad singko pataas hangtud sa hamtong nga pangidaron.
Dugang pa ni Dr. Mendoza, nga ang nabakunahan sa 1st dose anaa pa lang sa 78%.
Gikabalaka usab niya nga anaa pa lang sa 10% sa 72% nga kompletong nabakunahan ang nakapa-booster shot.
Maong panghangyo ni Dr. Mendoza nga matabangan sila sa pagdani sa katawhan nga magpabakuna ilabi na sa mga media nga dakog katabang sa ilang kampanya sa pagpabakuna batok sa Covid-19.
Facebook Comments
