Gikanayon ni PMHA Mental Health Advocate Precious Manligues, dakong tabang ang komunikasyon diha sa pagtuki sa suliran nga gibati sa magtiayon ug maglive-in aron sa ingon mapasibaw nila ang ilang kasuko, bangi, wala pagsinabtanay ug selos.
Sumala ni Manligues, base sa datos sa tuig 2022 migawas nga mas daghan sa mga lalaki nagpakamatay kung itandi sa mga babayi, sanglit ang mga lalaki walay kapahungawan sa ilang mga problema kay maulaw, dili sama sa mga babayi nga daghan og kapagawasan.
Segun ni Manligues, ang nahitabong pagdunggab patay ni Alyas Jerry sa iyang kapuyo nga si alyas Inday sa Decahomes Tigatto sa miaging mga semana, usa ka matang sa ehemplo sa kakuwang sa ilang komunikasyon nga miresulta sa mangilngig nga krimen.
Tungod niini ang PMHA, dili moundang sa pag-edukar sa publiko mahitungod sa Mental Health Problem kauban sa mga solusyon, aron ang suliran dili na mosangko sa depresyon nga moresulta sa paghunos sa kinabuhi.
RadyoMaN Joel Viray
