![pacman-final](https://i0.wp.com/rmn.ph/wp-content/uploads/2018/06/pacman-final.jpg?resize=696%2C391&ssl=1)
General Santos City–Anaa na sa 85 porsyento ang kondesyon sa lawas ni Senador Manny Pacquiao alang sa iyang laban ibabaw sa ring sa nasud Malaysia sa umaabot nga Hulyo 15 batok kang Lucas Mathysse.
Gibutyag ni Coach Boboy Fernandez nga sa iyang nakit-an nga performance sa fighting senator iyang masulti nga hapit na makuha sa team Pacquiao ang syento porsyento nga kundisyon ni PACMAN apan kinahanglan matud pa nila kini nga hinay-hinayon aron nga dili usab masubraan ang senador.
Gipaningkamotan nila karon nga ibalik ang kapapas sa mga tiil ni Pacman u gang knockout power niini. Sa karon nag padayon ang sparring session sa Fighting Senator kung asa sa musunod nga simana musaka na sila sa 12 ka round batok sa 4 ka sparring mate niini.
Samtang Hulyo 9, gikatakda nang molarga ang team Pacquiao sa Malaysia ug didto na nila ipadayon ang nahibiling adlaw sa pagbansay sa pambansang kamao.